طريقة عمل الضفيرة الفرنسية بالصور
كيفكم بنات ...اليوم جبت لكم تسريحه جديده وانيقه
وهى الضفيره الفرنسيه ...ويقال ايضا عندنا ضفيرة السنبله
شكلها روعه على الشعر ومرتبة وخاصة للبنوتات الصغيره تخلى وجههم جميل
والحقيقة حتى الكبار , لأنها تطلع شكل الشعر نعومه ورقه واهو تغيير للتسريحات
يلا نبدأ بالخطوات والصور
نقسم الخصله الكبيره دى الى ثلاث خصل متساويه فى الحجم
ونعمل من الثلاث خصل ضفيره عاديه عشان تكون دى الاساس
بعد كده نأخد خصله صغيره من اليمين وندخلها فى الخصله اللى معانا <<الاساس>
دلوقتى نكمل الضفيره بقى عادى خالص
فى الخطوه دى لازم تدخلى اصابعك داخل الضفيره وتتملكيها كويس حتى لا تنساب منك
دلوقتى هناخد خصله من الشمال وندخلها فى الخصله الاساسيه
بس خلى بالك لما تاخدى اى خصله يكون بطرف اصابعك ويكون من الطرف الى الخصله اللى فى الوسط
فى الخطوه دى هندخلها فى الخصله الاساسيه ونكمل الضفيره برضه عادى
ونستمر بقى ناخد خصله من اليمين ....ثم خصله من الشمال
وندخلهم فى الخصله الاساسيه اللى فى الوسط
ونتابع العمل حتى ينتهى الشعر <<<او لغاية الرقبه
بعد كده وأخييييييييرا الشعر كله المنساب على ظهرك تكمليه بضفيره عاديه من ثلاث خصلات بسسسسسسسس
وان شاء الله يعجبكم الموضوع واشكركم
الخميس أكتوبر 18, 2012 1:28 am من طرف 
